బాలయ్య మూవీలో విలన్ గా మోహన్ బాబు?

నందమూరి బాలకృష్ణ తన కెరీర్ మొత్తం మాస్ మరియు కమర్షియల్ సినిమాలతో మంచి క్రేజ్ సంపాదించుకున్నారు. ముఖ్యంగా బి, సి సెంటర్లలో ఆయనకు మంచి అభిమానులు ఉన్నారు. మధ్యలో కొన్ని ప్రయోగాత్మక సినిమాలు చేసినప్పటికీ, ఎక్కువగా కమర్షియల్ సినిమాలకే ప్రాధాన్యత ఇస్తున్నారు. ఇటీవల వచ్చిన అఖండ 2 సినిమా ఆశించిన స్థాయిలో సక్సెస్ కాలేకపోవడంతో ఆయన మరింత జాగ్రత్తగా ముందుకు సాగుతున్నారు.

ప్రస్తుతం ఆయన దర్శకుడు గోపీచంద్ మలినేనితో కలిసి కొత్త సినిమా చేస్తున్నారు. ఈ సినిమాలో విలన్ పాత్ర చాలా పవర్‌ఫుల్‌గా ఉండబోతుందని, ఆ పాత్ర కోసం మోహన్ బాబును తీసుకుంటున్నట్లు వార్తలు వినిపిస్తున్నాయి. వీరిద్దరికీ మంచి నటన సామర్థ్యం ఉండటంతో పాటు, వ్యక్తిగతంగా కూడా మంచి సంబంధాలు ఉన్నాయి.

ఈ కాంబో నిజమైతే, ఒకే ఫ్రేమ్‌లో ఇద్దరు స్టార్ నటులను చూడటం ఆసక్తికరంగా ఉంటుంది. ఎవరు ఎవరిని డామినేట్ చేస్తారనే ఆసక్తి అభిమానుల్లో పెరిగింది. మరోవైపు మోహన్ బాబు ప్రస్తుతం పలు సినిమాలతో బిజీగా ఉన్నారు. ప్యారడైజ్ సినిమాలో విలన్ పాత్రతో పాటు, శ్రీనివాస మంగాపురం సినిమాలో కూడా ఒక ప్రత్యేక పాత్ర చేస్తున్నారు. ఇటీవల విడుదలైన ఆయన ఫస్ట్ లుక్ కూడా మంచి స్పందన తెచ్చుకుంది.