ఈ నెల 20 నుంచి ఓటీటీలో ‘అమరావతికి ఆహ్వానం’ మూవీ!

ఎప్పటిలానే మరో వీకెండ్ వచ్చేసింది. ఉగాది, రంజాన్ సెలవులు కలిసి రావడంతో చాలామంది తమ సొంత ఊర్లకు వెళ్లిపోయారు. ఇదే సమయంలో థియేటర్లలో ధురంధర్ 2, ఉస్తాద్ భగత్ సింగ్ విడుదలయ్యాయి. ఇందులో ధురంధర్ 2 మంచి టాక్ తెచ్చుకోగా, ఉస్తాద్ భగత్ సింగ్ కి నెగిటివ్ టాక్ ఎక్కువగా వినిపిస్తోంది. ఓటీటీలో ఈ వారం పెద్దగా తెలుగు సినిమాలు లేకపోయినా సీతా పయనం, బోర్డర్ 2 అందుబాటులోకి రానున్నాయి.

ఇవికాకుండా ఇప్పుడు అమరావతికి ఆహ్వానం అనే హారర్ మిస్టరీ థ్రిల్లర్ కూడా ఓటీటీలోకి రానుంది. ఈ సినిమాలో నటి సురేఖా వాణి కూతురు సుప్రీత ప్రధాన పాత్రలో నటించింది. శివ కంఠమనేని, ఎస్తర్, ధన్య బాలకృష్ణన్ ఇతర కీలక పాత్రలు పోషించారు. హారర్ ఎలిమెంట్స్ బాగున్నప్పటికీ, కొన్ని సీన్లు ముందే ఊహించగలిగేలా ఉండటం మైనస్‌గా భావిస్తున్నారు. ఈ సినిమా గత నెల 13 న థియేటర్లలో విడుదలై, రేపటి నుంచి ఆహా లో స్ట్రీమింగ్ కానుంది.

కథ విషయానికి వస్తే, ఈశ్వర్ (శివ కంఠమనేని) సస్పెండ్ అయిన సీఐ. ఇతడి భార్య భానుమతి (ధన్య బాలకృష్ణ). ఈమె చెల్లెళ్లు భార్గవి(సుప్రీత), విజ్జు. భార్గవి ఓ యూట్యూబర్. దెయ్యంతో డే అండ్‌ నైట్‌ అనే కాన్సెప్ట్‌తో వీడియోలు చేస్తుంటుంది. అలా  పాతబస్తీలోని డెవిల్స్ హోమ్ భవంతిలో భార్గవి చేసిన వీడియో వైరల్ కావడంతో సెల‌బ్రిటీ అయిపోతుంది. సడన్‌గా భార్గవికి ఓ అజ్ఞాతవ్యక్తి నుంచి ఫోన్‌ కాల్‌ వస్తుంది. నిజంగా దెయ్యాలు ఉన్నాయని, లైవ్‌లో నిరూపిస్తానని, వీడియో షూట్‌ చేస్తే ఇంకా ఫేమ్ వస్తుందని ఈమెకు చెప్తాడు. దీంతో భార్గవి.. తన కుటుంబంతో అమరావతి అనే గ్రామానికి వెళ్తుంది. అక్కడ వీళ్లకు ఎలాంటి అనుభవాలు ఎదురయ్యాయి? చివరకు ఏమైందనేదే మిగతా స్టోరీ.