ఓటీటీలో ‘వార్ మెషీన్’ మూవీ!

ఇప్పుడంతా ఓటీటీ కాలం నడుస్తోంది. థియేటర్లలో విడుదలయ్యే సినిమాలతో పాటు కొన్ని సినిమాలు నేరుగా ఓటీటీలోకి కూడా వస్తున్నాయి. అలా గత వారం విడుదలైన హాలీవుడ్ యాక్షన్ సైన్స్ ఫిక్షన్ మూవీ వార్ మెషీన్. ఈ సినిమా నెట్‌ఫ్లిక్స్‌లో తెలుగులో కూడా అందుబాటులోకి వచ్చింది. యాక్షన్, మిలటరీ నేపథ్యంతో పాటు ఏలియన్ అంశం ఉండటంతో ఈ మూవీ ప్రేక్షకుల దృష్టిని ఆకర్షిస్తోంది.

కథ విషయానికి వస్తే... అది అఫ్ఘానిస్తాన్‌లోని ఓ ప్రాంతం. పాడపోయిన తన తమ్ముడి ఆర్మీ కాన్వాయ్ బాగు చేసేందుకు అమెరికన్ ఆర్మీకి చెందిన స్టాఫ్ సార్జెంట్ (అలెన్ రిచ్‌సన్) వస్తాడు. సరిగ్గా అప్పుడే తాలిబన్లు వీరిపై దాడి చేస్తారు. దీని నుంచి సార్జెంట్ మాత్రమే ప్రాణాలతో బయటపడతాడు. తర్వాత అమెరికన్ ఆర్మీలోని అత్యంత కష్టమైన రేంజర్ కావాలనుకుంటాడు. నాలుగుసార్లు తిరస్కరణకు గురైనా సరే చివరకు ట్రైనింగ్‪‌కి ఎంపికవుతాడు. శిక్షణలో భాగంగా చివరి దశకు చేరుకుంటాడు. చిట్టచివరి పరీక్షలో పాసైతే చాలు అనుకుంటున్న తరుణంలో ఊహించని ఘటనలు ఎదురవుతాయి. ఇంతకీ అవేంటి? సార్జెంట్.. ఏలియన్ షిప్‌తో ఎందుకు తలపడాల్సి వచ్చింది? అనేది మిగతా స్టోరీ.

ఈ సినిమాలో యాక్షన్ సన్నివేశాలు చాలా ఆసక్తికరంగా ఉంటాయి. సుమారు 100 నిమిషాల పాటు నడిచే ఈ మూవీ మొదటి సీన్ నుంచి చివరి వరకు ఎక్కడా బోర్ అనిపించదు. అమెరికన్ ఆర్మీలో రేంజర్ కావాలంటే ఎంత కఠినమైన శిక్షణ ఉంటుందో కూడా బాగా చూపించారు. హీరోగా నటించిన అలెన్ రిచ్‌సన్ సహా మిగతా నటులు తెలుగు ప్రేక్షకులకు పెద్దగా తెలియకపోయినా, సినిమా మాత్రం చాలా ఎంగేజింగ్‌గా ఉంటుంది. మంచి యాక్షన్ మూవీ ఓటీటీలో చూడాలని అనుకుంటే ఈ సినిమా తప్పకుండా చూడదగినది. తెలుగు డబ్బింగ్ కూడా బాగుంది, యాక్షన్ సీన్స్ మరియు బ్యాక్ గ్రౌండ్ మ్యూజిక్ ఆకట్టుకుంటాయి.